Madaxweynaha Soomaaliya ayaa maanta Magacaabay ilaa 6 degmo oo ka kala tirsan gobolada Galgaduud iyo Mudug ee dalka Soomaaliya.

Wareegto ka soo baxday xafiiska Madaxweynaha KMG Soomaaliya Cabdullaahi Yuusuf Axmed ayaa maanta lagu magacaabay illaa 6 degmo oo ka mid noqonaya degmooyinka gobolada Mudug iyo Galgaduud ee bartamaha Soomaaliya.

Afhayeenka dowlada KMG Soomaaliya Cabdi Xaaji Goobdoon oo maanta Aqrinayay waregtadani ayaa sheegay in madaxweynaha uu go’aansaday magacaabida degmooyinkan lixda ah kadib markii uu aqbalay codsi kaga yimid wasaarada arimaha gudaha iyo waxgaradka deegaanada maanta degmooyinka loo magacaabay.

Meelaha la magacaabay waxaa ka mid ah gobolka Galgaduud oo laga magcaabay Deegaanada XERAALE ,baxdo,Gur Ceel iyo Ceel Garas oo dhamaantooda laga wada dhigay Degmooyin halka markii hore ay ahaayeen deegaano ka tirsan gobolka Galgaduud.

Waxaa sidoo kale gobolka Mudug loo magacaabay degmooyin horay u ahaa deegaano kuwaasi oo kala ah Col Guula iyo Jowla oo dhamaantooda laga wada dhigay degmooyin cusub oo hoos tagaya gobolka Mudug.

cowslafil,news,network (CNN) .

email: cowslafil@cowslafil.com.