|
Boqor Cismaan Aw Maxamud (Buur Madow) oo la kulmay jaaliyadda beesha surre ee UK halkaasoo ay ka wada hadleen arrimo badan oo ay ka mid tahay xiriirka soo jireenka e ka dhaxeeyay somalinad iyo beesha surre , waxaa intaas ka dib loo gudbay arrinta nabadeynta uu boqorku isku xilsaaray ee labada beelood ee walaalaha ee ku dagaalamay degaanada bacadweyn nawaaxigeeda.
Boqor Cismaan Aw Maxamud (Buur Madow) wuxuu ka codsaday beesha qubeys inay xabbada joojiyaan kana oggolaadaan waanwaanta nabadda uu isu xilsaaray.
Guddoomiyaha jaaliyadda beesha UK Mr.LIBAN CISMAAN COSOBLE oo ka jawaabay baaqa Boqorka wuxuu yiri nabadda aad siddo waan kaa yeelnay waana ballan waxaadna ogatahay inaad reerkan aad hor fadhido aad boqorkoodi tahay abaal hore oo nabadeed aad u gashay sida,TOWFIIQ,AFBARWAAQO,XERAALE GALGADUUD.
Boqor Cismaan Aw Maxamud (Buur Madow) waxa uu la ballansan yahay odayaasha beesha Saleebaan oo uu kala hadli doono Arrimaha nabadeynta ee uu ku howlan yahay.
Sidaas si la mid ah Boqor buur madow waxa uu canbaaraynayaa aadna uu uga soo horjeedaa cid kasta oo ku hawlan hurinta colaada iyo fidno abuurka ee diidan nabad ku wada noolaanshaha umadda Walaalaha ah .
Ugu danbayntii Boqorka wuxuu usoo jeedinaynaa labada beelood ee muranku u dhexeeyo inay ku qancaan oo ay u hogaansamaan go’aanka ay soo saaraan Gudiyada arrimaha dhexdhexaadinta ku hawlani. .
COWSLAFIL.COM
.
cowslafil@cowslafil.com
|
