Mansabka siyaasadeed ee dalka soomaaliya ayaa ahaa mid jahawareersan tan iyo intii ay jabhado hubeysani xukunka dalka ka tuureen xukuumadii mudada dheer soo xukumeysay dalka ee hogaanka u ahaa allaha u naxariistee maxamed siyad barre january 26-1991.

Tan iyo intii ka dambaysay xiligaas ayaa mansabka siyaasadeed ee dalka waxa uu gacanta u galay ma naxayaal ku abtirsada qabiil dagaal ogayaal jaahiliin ah,hogaan qabiil, afarjeeblayaal bac madow ku qaata dhiiga dadka iyo wadaado xukun doon ah.

Hadaba siyaasadahaasi guracan waxay dhaxalsiiyeen bulshaweynta soomaaliyeed halaag burbur iyo baaba baahsan kaasi oo barakada ka qaaday jiritaankii xag bulsho, dhaqan iyo dhaqaale, oo ay weheliso nabadii oo ka duushay gayiga soomaliyeed.

Taasi oo meeshaba ka saartay damiirkii biniadanimo ee shaqsiga soomaliga ahaa uu ku lahaa bulshada caalamka dhexdeeda taasi oo ay quursi iyo sharaf xumo kala kulmaan wadan kasta oo ay ku dhaqan yihiin muwaadiniinta soomaaliyeed.

Shacabkan taagta daran ayaa ah kuwo aan laheyn cid masuul ka ah ama u dooda si ay u helaan xaquuqdooda iyo jiritaankooda ummadeed.marka laga hadlaayo ADVOCATION OF HUMAN RIGHTS DEFEND.haddaba dadka soomaaliyeed ee qurba joogta ah ayaa ayagu ay ku noqotay boog wadnahooda subax waliba wararka ay website-yadu ka qoraan xasuuqa bini’aadnimo ee lagu hayo ummada aan waxba galabsan ee soomaaliyeed,taasi oo cinwaan looga dhigo.

madaafiic lagu duqeeyay suuqyada,dad la qalay, kuwo rasaastu ay haleeshay,kuwo doonyo ay badda kula dagtay,kuwo saxaraha ku la'day iyo kuwo xabsiyada caalamka ka buuxa bilaa xukun la'aan,haddaba waxaa suaal mudan wa maxay danta dadka hogaanka sheeganaya ee raaliga ka ah in hooyooyin soomaaliyeed oo khudaar ku gadaya suuqa madaafiic lala dhoco hadaba muwaadiniinta soomaaliyeed maxaa la gudboon dulucda sheekada ayaa ah.(MA DHIRTAY XUKUMI DADKIIBA DHOWR QOF BAA HARAYE)

waxaa soo diyaariyay
Dr:-Maxamuud Wacdi Ibrahim
Valleta-Malta
Email:-kaboweyne65@hotmail.com
Tel:-+35699166530

E-mail: cowslafil@cowslafil.com.