Iyadoo ay jiraan dad badanoo Soomaali ah oo ku dhibaateysan Soomaaliya gaar ahaan gudaha magaalada Muqdisho iyo hareeraheeda, kuwaasoo maalin walbo la kulma dhimasho iyo dhaawac kaga immanaya Madaafiicda arxandarada ah ee lagu kor garaacayo dhiigooduna uu laamiyada qul qullayo, sidoo kalena xeryaha qaxootiga ee deriska ku dacdareysan qaarkalena ay badaha Aduunyadu Doonyuhu kula shiidayaan iyagoo dhibaato ka carar ah.

Hadana waxaa jira Soomaali farabadan oo kuwan la dhashay oo ku nool Wadamada barwaaqo sooranka iyo qaarada Ameerika,

Dadka ku nool dibadaha ayaa qaarkood waxa y waqtigooda inta badan ku bixiyaan Dalxiisyo ay ku tagayaan wadamada kala duwan ee Aduunka.

Qoraa Sare oo Aynu Saaxiibo nahay ayaa iiga sheekeeyay inuu wacay nin isaga saaxiib la ah oo ku nool Mareykanka gaar ahaan Gobolka Minneapolis kaasoo ay ka dhaxeysay balan ah inuu dhaqaalo usoo diro,

Laakiin marka uu wacay waxa uu ku jawaabay ninkii joogay Mareykanka “Sorry Walaal waan ku illaabay labadaan todobnaad waxaan jiray London”.

Marka aad fiiriso qisada qoraaga saaxiibkey ah ka qabsatay ninkii uu wacay ayaa waxaad ogaaneysaa in Soomaalida dibad jooga ah qaar kood ay daxiisyadii weli ka xiisin, iyadoo dadban oo la dhashay ama la qaraabo ay wax dheef ka sugayaan maadama dalkan Shaqo la sheegi kara aysan ka jirin.

Waxaa kaloo jira dad fara badan oo Buufis inta la giliyay oo Xoogaa dhaqaalo loo soo diray loo sheegayna in la dhoofinayo aan meel fog la geyn oo ku dhibaateysan meelihii la geeyay oo ay ka mid yihiin dalalka Uganda Kenya S/Afica Yeman IWM,

dadkii geeyayna taleefanada VOICE MAIL ku xirtay si qofka la soo xambaarayo taleefanka uga dhibin,

Soomaaliyana ma joogaan meeshii ay rabeena lama geyn sidaasna shalaay iyo Alla maxaa isoo waday ku callaacalaan iyagoo dhowr habeen qaday,

Waxaa ka dibna dhacda in qofka maqan uu awoodi waayo inuu cidii Soomaaliya joogtay biilo qofkii uu soo wadayna wax u sooo diri waayo oo waqtiga ku dheeraadaa sidaasna qofkii isu bixi waayo kadibna dhibaato ka weyn midii uu ka cararay ku qabsataa wadankii uu tagay ka dib waxaa dhacda in Xamar guri looga gado oo loo diro hadiiba uu cid xoogaa dhaqaalo qabta ka soo ag tagay hadii kalena mudo meesha lagu illaabaa.

Si aad ah ayaa la isugu dhiban yahay dadka maqan iyo kuwa Xamar jooga waayo dadka maqan iyaga ayaa lagu tashtaa oo wax laga sugaa ama hadey shaqeeyaan iyo hadey shaqeenba oo biilka cidda iyaga ayuu saaran yahay hadiiba ay cid soo biillaabaan,

Dadka maqan qaarkood waa dhuu dhuuntaan iyagoo jooga ayey cidkale u dhiibaan oo af English kula hadla dadka waca markaas ayeey yiraahdaan “Sorry Wrong Number” { Nambarka ayaa kaa qaldan iga raali noqo}

qofkii wax wacayay isagoo ka baqaya lacagta ka go’aysa ayuu iska dhigaa taleefanka isagoo habaartamaya dibna ugama celiyo.

Markii aad u kuur gasho dhamaan arimahan dhibaatada leh hadana runtii Soomaalida badankood waxa ay ku tiirsan yihiin lacagaha looga soo diro dibadaha 90% Boqolkiiba Shagaashan waxaan dhihi karaa waxa ay ku wada nool yihiin lacagaha loo soo diro,oo waad aragtaa maanta Somalia wax Dhaq dhaqaaq ama soo saaris dhaqaalo ma jiraan wallow Biyo aad Sacabahaada uga oon baxi karto.

Ugu danbeyntii arimahan iddilkood ayaa ah kuwa ay sababeen dhibaatooyinka aan dhamaatka laheyn ee ka jira Somaliya,

bal ka waran hadii Maanta aan wax Dagaal ah ka jiri laheyn dalkeena oo aan iska nabdoon laheyn yaaba Lacag lasoo diro isku haleyn lahaa? Majirto waayo qofkasta shaqo ayuu heli lahaa waana lawada xamaalan lahaa kii rabana beertiisa ayuu iska falan lahaa.

Hadaba Alle waxaan ka baryayaa in wadan keena nabad waarta noogu dhigo,Shacabkan Daalay Allow usoo maciin adigaa Wax walbo toosinkara e Illaahow Nabad Illaahow Nabad Iddinkanuna Aamiin dhaha AAMIIN AAMIIN.

W/D Qoraa Saxafi Soomaaliyeed Asad Abukar Cali (Asad Yare) Somalia Mugadishu (Bedri Media Production And Resources) E-Mail asadyarencc@hotmail.com

E-mail: cowslafil@cowslafil.com.