Cowslafil.com

Deeq lacageed oo ka timid gabdhaha Jaaliyadda Somalida ee ku kala dhaqan magaalooyinka Copenhagen Odeso ee dalka Denmark ayaa maanta loo qeybiyey dad iskugu jira agoon, camooleyaal, rajooyin, Curyaamin iyo dad ah kana yimid xaafadaha Gubta, Dayniile, Madiina iyo nawaxaiga Suuqa bakaaraha ee magaalada ay dagaaladu afeeyeen ee Muqdisho.

Deeqdan hore oo ka koobneyd $1,550 (Kun iyo shan boqol oo Dollar) ayaa waxaa soo diray wakiilna ka ahaa gabdhaha ay ka mid yihin Faadumo Aadan Cali iyo Maryan Faarax Ubane oo ka tirsan jaaliyada Somalida ee magaalada Copenhagen, tan labaadna waxay dhan tahay $1910 (kun iyo sagaal boqol iyo taban Dolar) waxaana wakiil ka ahaa gabdhaha kal ah Iftin Sheekh Xasan oo ka mid ah gabdhaha jaliyaad somalida ee ku dhaqan magaalada Odeso ee dalka Denmark, waxaana la soo mariyey dhamaan deeqdaasi guddoomiyaha golaha abwaaniinta Soomaaliyeed Abwaan Abshir Nuur Faarax (Bacadle) oo isna u qeybiyey dadkii loogu talo galay in la gaarsiiyo.

“Qeyb ka mid waxaa la siiyey dad dhib gaar ah qaba oo ku jira xeryaha barakacayaasha Muqdisho qaarkood, qeybna maanta ayaa la bixiyey, qeybta sadexaadna maalmaha soo socda ayaa la bixin doonaa hadii eebe Idmo” ayuu yiri Abwaan Abshir Nuur Bacadle oo intaa ku daray in deeqda ka timid gabdhaha Reer Odeso ee dalka Denmark lagu soo hagaajiyey hagaajiyey isaga iyo agaasimaha Universal TV Jeekey.

Dadkii loo qeybiyey deeqdaasi ayaa si weyn uga mahad celiyey gabdhaha Jaaliyadaha Somalida ee Copenhagen iyo Odesa ee dalka (Denmark) ee deeqdan soo gaarsiiyey, iyagoo sheegay iney ku soo beegantay xilli ay si aad ah ugu baahnaayeen oo duruufo nololeed oo aad u adagna ay heystaan, waxayna ugu duceeyeen gabdhihii soo diray deeqdan inuu ILAAHAY siiyo bedel ka qeyr badan, iyagoo ugu baaqay jaaliyadaha kale ee Somaliyeed ee ku dhaqan aduunka iney ku daydaan gabdhaha deeqdan soo gaarsiiyey, deeq sidanoo kale ahna soo gaarsiiyaan walaalahood ku dhibaateyan gudaha dalka Somalia.

Dhinaca kale, abwaan Abshir Nuur Faarax Bacadle ayaa $100 oo ka mid ah deeqahaas ka yimid gabdhaha Jaaliyadda Somalida ee Denmark ayaa waxaa uu gaarsiiyey hooyo lagu magacaabo Sahro Cilmi Sheekhdoon oo heysata wiil 2 sano jir ah oo lagu magacaabo Xasan Maxamed C/llaahi kaasoo ku dhashay iyadoo ay isku dhegan yihiin ciridkiisa hore ee afkiisa guud ahaan, taasoo keentay in la waayo meel uu ka qaato cuntada iyo caanaha.

Wiilkaasi hooyadii ayaa sheegtay in aabihii la waayey muddo dhowr bilood ah nolol iyo Geeri meel uu jaan iyo cirib dhigay loona maleynayo inuu ka mid aha adadka la iska aasay markii ay meel cidlo ah ku haleeleen madaafiicda iyo hubka la isku weydaarsanayo magaalada Muqdisho ka gadaal markii la garan waayey, waxayna xustay in wiilkeeda uu hadda wax ka cabo meel aad u yar oo ay dalooliyeen dhaqaatiir Soomaliyeed, uusana weli isticmaali karin karin wax cunto ah, iyadoo u mahad celisay gabdhaha soo gaarsiiyey deeqdan oo ay sheegtay iney tahay wax ku oola ah, waxayna ugu baaqday Jaaliyadaha somalida ee dibeda iney u soo kaalmeeyaan cidii wax taraysana ay kala soo xiriiiri karto telefankan oo ah +2521-5260082

Kala xiriir abwaan Abshir Nuur Faarax (Bacadle)
Tel: +25250-900050 ama +2521-5858752 ama 62-393333
E-mail abshirbacadle@hotmail.com

Cowslafil,news,network (CNN).
email: cowslafil@cowslafil.com.