Hadal ka soo baxay Wasaaradda Difaaca ee dalka Koonfurta
Kuuriya ayaa waxay shaacisay inay qorshaynayso inay
dalka ay Somalia u dirto ilaa 3,000 ciidamo oo aad u
qalabaysan si ay qeyb uga noqdaan howlaha nabad ilaalinta
dalka Soomaaliya kuwaasoo la sheegay in si dhaqsi ah
loogu soo daad gureyn doono gudaha dalka Soomaaliya
marka ay dhamaadaan qorshaha Qaramada Midoobay ee ku
aaddan ciidamo geynta Soomaaliya.
Wasaaradda Difaaca dalka Koonfurta Kuuriya waxay sheegtay
in ciidamadan 1000 ka mid ah ay oo qalabaysan ay si
toos ah u hawl galayaan iyagoo caawimaad dheeri ah ka
helaya 1000 kale oo askari ah iyo tirada hartay oo ah
1,000 askari kuwaasoo loogu talo galay gurmadka deg-degga
ah, waxayna intaasi ku dartay in ay ciidamadan diyaariyeen
kaddib markii uu sidaasi ka codsaday Xoghayaha Guud
ee Qaramada Midoobay.
''Ciidamadeena, marakiibtayada iyo diyaaradaha daalkakeenuba
waxaan si dhaqsa leh ugu saacidaynaa Qaramada Midoobay
anaga oo u tixgalinayna codsigeeda, waana daad-gureynaynaa
hadii ay sidaasi naga dalbadaan si aan uga qayb qaadano
soo celinta amaankii iyo kala danbaynta Soomaaliya''
ayuu yiri sarkaal ka tirsan Wasaaradda dalka Koonfurta
Kuuriya oo la hadlaya warbaahinta caalamiga ah.
Dawladda Konfurta Kuuriya waxaa xilligan ka jooga xeebaha
dalka Soomaaliya Maraakiib dagaal iyo boqolaal ciidamo
ah oo ka qeyb qaadanaya Hawl gallada la dagaallanka
burcad badeedda oo ay Midowga Yurub iyo Gaashaabuurta
Nato ka wadaan xeebaha dalka Soomaaliya, lamana garanayo
sida ay suurto gal u noqon karto in ay ay ciidamo u
soo dirto dalka Soomaaliya xilli dalal badan oo ka mid
ah kuwa caalamka ay ka baaqsadeen inay ciidamo u diraan
Soomaaliya.
E-mail:
cowslafil@cowslafil.com
