Waxaa maanta lagu wadaa in magaalada Sirta ee dalka
liibiya uu ka furmo shirwaynihii 13aad ee Madaxweynayaasha
dalalka Afrika kaasoo looga hadli doono ajeendayaal
fara badan oo ay ka mid yihiin Mushkiladaha ka taagan
dalalka Soomaaliya, Suudaan, Congo iyo muranka xuduudeed
ee u dhexeeya dalalka Eritrea, Itoobiya iyo Jabuuti.
Kulankaasi ayaa waxa lagu wadaa inuu khudad ka jeediyo
madaxweynaha dawladda federalka Soomaaliya Sheekh Shariif
Sheekh Axmed oo isaga iyo wafdi uu hoggaaminayo ay xalay
gaareen magaalada uu kulanka ka dhacayo, waxaana lagu
wadaa inuu qudbaddiisa ku cusbooneysiiyo dalabka dawladda
federalka ee ku aaddanaa in faragelin militari lagu
sameeyo dalka Soomaaliya.
Madaxweyne Shariif Sheekh Axmed oo saxaafadda la hadlayay
markii uu tagay magaalada Sirta ee dalka Liibiya ayaa
waxa uu sheegay in uu aad ugu rajo weyn yahay in kulankaasi
ay ka soo baxaan qodobo wax ku ool ah oo ku aaddan xaaladda
Soomaaliya, isagoo sidoo kale rajo ka muujiyay in hoggaamiyayaasha
dalalka Afrika ee horay ugu yaboohay inay ciidamo u
soo dirayaan Soomaaliya ay fulin doonaan yaboohooda.
E-mail:
cowslafil@cowslafil.com.
