Wasiiru dawlaha Wasaaradda Gaashaandhigga dawladda federalka
Soomaaliya Sheekh Yuusuf Maxamed Siyaad (Indhacadde) oo
xalay hadal ka jeediyay munaasibadda 1-da Luulyo oo xalay
lagu qabtay xarunta gobolka Banaadir ayaa waxa uu si kulul
u weeraray hoggaamiyaha Al-qaacidah Osama Bin Laden iyo
hoggaanka xarakada Al-shabaab.
“Osama Bin Ladin waa Sheekh wayn oo agtayda karaamo
leh, ma doonayo inaan wax ka sheego, waxaan maqlayay
isagoo leh dawladda Soomaaliya ma ahan dawlad Islaami
ah, runtii wadaadka taasi wuu ku qaldamay wadaadka,
Ilaahay ha u towbad keeno ayaan leeyahay, Soomaaliya
culimo ayay leedahay, culimadaasi waxay garanayaan wacyiga
uu dalka ku jiro, dhibaatada taagan, amnigeeda iyo amni
darradeeda” ayuu yiri Sheekh Yuusuf Indhacadde
oo intaasi ku daray in Masiirka shacabka Soomaaliyeed
ay u taallo culimada Soomaaliyeed, Osamana uusan shaqo
ku lahayn.
Sheekh Yuusuf Indhacadde wuxuu sidoo kale si kulul
u weeraray xarakada Mujaahidiinta Al-shabaab oo uu ku
tilmaamay inay yihiin kuwo fulinaya amaro iyo xukuno
ka soo baxaya Pakistan, wuxuuna sheegay in Al-shabaab
ay caqabad ku yihiin nabadda dalka Soomaaliya, ayna
doonayaan inuu dalka Soomaaliya uusan weligiis yeelan
nidaam iyo kala dambeyn oo dadkii ay rabaan ay dilaan
oo ay gaalaysiiyaan, dadkay rabaana ay xukun aan loo
dhamayn ku fuliyaan.
“Al-shabaab kuwa la baxay dawladda gogol ayay u
fidisay, waxaa laga dalbaday in waxa qaldan laysla saxo
haddii tahay dhinacooda iyo dhinaca dawladda, way diideen
oo ay ka doorteen dagaal, marka ma suurto galaysaa qori
afkiisa ayaan kugu gaalaynayaa, kugu musliminayaa, annaga
Islaam ayaan nahay, Islaanimada waxaan uga dayanaynaa
Rasuulka (CSW) ma ahan inaan uga dayano ninka sheegta
Amiirka Al-shabaab ee Axmed Godane, waan is garanaynaa,
nin culimo ah oo diinta yaqaana ma ahan” ayuu yiri
Sheekh Yuusuf Maxamed Siyaad Indhacadde.
E-mail:
cowslafil@cowslafil.com.
