Aabaha dhaley Wiil yar oo da’diisa ay tahey ilaa 12 Sano isla markaasna xanuunsanaa 9 Sanadood ayaa waxaa uu dadka Soomaaliyeed ee muslimiinta ah ka codsanayaa in ay wax kala qabtaan xaanuunka wiilkiisa.

Cabdullaahi cali Guuleed ( Barwaaqo) oo ah Aabaha dhaley Cabdiraxmaan oo 11 jir ah ayaa waxaa uu si murugo leh uga quustey in wiilkiisa dalka gudahiisa wax looga qabto isla markaasna waxaa uu sheegay in meel uusan la tagin ee dhaqtar muqdisho fadhiyaa aysan jirin.

“Waxaan markii ugu horeysey oo 9 sano laga joogo u geeyey DR Ibraahin dasuqi kaas oo igu yiri wiilkaan waxba loogama qabna karo dalka gudahiisa ee banaanka wax halooga radiyo ka dibna waxaan geeyey Mount Sinai oo uu Fariisto PROF Xildhibaan Cismaan Dufle oo isna sidii oo kale ku raacey in dalka aan waxba looga qaban ka rin waxana ay waraaqo cadeynaya ii soo siyen hadiiba lagu qaado Xitaa waxaan geeyey Isbitaalka caruurta ee SOS Muqdisho” ayuu yiri Aabe cabdullahi cali Guuleed (Barwaaqo)

Waxaa kale oo uu shegay in uu geeyey isbitaalka xasan jiis iyo isbitaalka Madiina iyo waliba midka Keyd saney iyo dayniile oo si kala gooni gooniya uu u geeyey sida uu xaqiijiyey aabaha dhaley wiilka ka xanuunsan wadnaha ee neefsiga uu dhibayo ilaa intii uu dhasheyba .

Ugu danbeyntiina waxaa baahidiisa u soo bandhigayaa Bulshada Soomaliyeed ee muslimiintaa ah,waana Baahida xanuun ee wiilkiisa wadnaha ka xanuunsan hadii ay noqon laheyd mid cafimaad ee dibada loogu qaado iyo mid dhaqaale ee uu ku soo daweeyo intaba waxaana halkan uu ku cadeynaynaa waraaqihii ay dhaqaatiirta soo qoreen oo lagu soo turjumay English taas oo ay soo kala qoreen DR Dasuqi iyo PROF Dufle.